Tasawur20

Kitaban parh parh bharay ho gay vazan chakya janda nai
          Sain kam de gal pocho tay kakh ve anda nai.
Log kehtay hain jhot bhi bool liya karo kabhi kabhi
          Ye jhot hi to tha jo likha hai abhi abhi. 
Maulana alfaz ki heyra pheyri me maharat rakhta hai
       Iman vala sir say paon tak taharat rakhta hai.
Aksar sahaba ki zindagi jihad me aur auliya ki dawat-o-tableeg me guzri hai.RXX. 
Molvi ilmal kalam ka sahara lay kar bhag jata hai
  Sain baglol hi hai jo tigni ka nach nachata hai.
Sain baglol ghar ka bheydi lanka dhaAy
     Ab kya faida kernay ka haAy haAy.
         Sain baglol buzurg jo chahay likhtay hain kon tokay ga
vahdat-al-vajod vahdat al shahood vahdat al maqsood k falsafay kon rokay ga.   
Galat logon ko vote na dayna hi paigame Hussain hai.Baglol.
Galat logon ko vote daynay say tayra daman huva dagdar
    Hussain nay poch liya to kya javab day ga bad kirdar. 
Taharat kerni ati nahi nehar me nahanay chalay
Mulk me gandagi dhair hai paris bananay chalay. 
Me jhota hun musalman sacha hai
    Me bura hun shaitan acha hai. 
Baglol chahat sirf chahat hi rahay to bohat satati hai
  Insan hansta zaroor hai par ye andar say rulati hai. 
Amilon aur walyon ki galat bayani baise afsos hai.RXX.
Aray bhai kuch to adab kar tun bhi Muhammad nam rakhnay laga
        Chal nam rakh hi liya upar say aurton ko taknay laga.
     Kuch zara bhi sharam-o-haya baqi na rahi musalmano me
Nam Muhammad rakh kar aik dosray ko galyan daynay valay insano me.
Shayad tun nam Muhammad is liye rakhta hai takay koi tujhay gali day to us ka qeema kar diya jaAy
Sain baglol derta kyun hai khul kar keh day kyun na tayray isi dunya me beema kar diya jaAy.
Tun name Muhammad ki toheen na kar
  Ay musalman kuch to khuda say dar.    
      Hadith ko bhi karobar ka zariya banatay hain
Dukano k bahar likh kar apna karobar chalatay hain. 
Shor machana hungama kerna musalmano ka purana peysha hai
            Yehi aik bat hai jis ka mujhay andeysha hai.  
Amil ya wali kisi aisay shaks ko kehtay hain jo apni nafsi salahyat ko bedar kernay k bad is par qabo pa chuka ho.RXX.
Musalman pehlay apnay gerayban me jhankay apna gerayban chak karay
              Phir dosron ki taraf daikhay dosron say talk karay. 
    Amal kerna mushkil ay tay gal kerni asaan
Aisey vastay har banda banya phiray musalman. 
Sain akhir apni auqat par otar hi aya musalman
is nay dikha diya ye hai kitna bad tameez insan. 
Mun zabani ashiq mun zabani talib
   Shairi kay bagair hi mirza galib.
Musalmano ki baton me hai tazad
 Jo dikhaAy ga tujhay rx nashad. 
Define Magic
The power of apparently influencing events by using mysterious or supernatural forces.
 Kisi par pyar ka jado chalta hai kisi par husn ka jado chalta hai
Sain baglol molvi ko samajh kyun nahi ati ye kyun apni ankhain malta hai.
Khuda k nam par molvi halva khatay hain
Log khuda k nam say faida uthatay hain.
  Molvi batain kerta hai aur fazool bakta hai
Darvaishi khamoshi hai aur ye soda sasta hai.
Pyar jado hai to rx jadogar hai
Molvi ab bata kya ye haram hai.
Amal kernay ki taraf atay nahi perhanay ki taraf jatay hain
       Sain bat kuch hoti hai aur ye kuch batatay hain.   
Wilayat aisa nafsi ilm hai jo sirf auliya ko hasil hota hai.RXX.  
Rehman aur shatan ka nam khud ko bachanay k liye istamal kiya jata hai
Sain baglol ho koi socrate jaisa mard to zehar peyala piya jata hai. 
Jado ka galat istamal kala jado kehlata hai.RXX.
Khud gustak hain aur dosron ko adab ka dars daytay hain
Sain baglol ye to mahabat ka falsafa hi badal daytay hain. 
Kahin rehman ka bahana to kahin shatan ka bahana
        Tun ye kyun nahi manta tun hai hi zanana.
Ay muslaman tayray maulana ki kitabon me gustakana mavad 
            Ye kis mun say khud ko ashiq kehta hai namurad. 
Adakaron ko kafir banaya je kiya to mushrik tehraya
   Sain baglol aha molvi nay kya kya rang dikhaya. 
Mazhabi ravayaat ko quran ki roshni me parakhna chahiye.RXX.
Kabhi kehtay hain taqdeer paki hai kabhi kehtay hain tadbeer kachi hai
Kabhi kehtay hain tadbeer paki hai kabhi kehtay hain taqdeer kachi hai
      Sain ye faisla kyun nahi kar patay bacha hai ya bachi hai.
Kabhi rat ko din aur din ko rat kehtay hain
Sain baglol phir isi ko asal bat kehtay hain.
Ay musalman bohat shoq hai na tujhay doodh me jalaybian daal kar khanay ka
Tun fikar na kar me tujhay doodh bhi pilaon ga jalaybian bhi khilaon ga.
Sain baglol daikh musalmano ko jaisay bili ko chichron k khavab
          Apas me lar rahay hain sanbhali nahi ja rahi aik kitab.
Pocho khuda ka nam kyun latkaya hai kehtay hain khair-o-barkat k liye latkaya hai
Mujhay ye batao phir zalzala kyun aya hai masjid ko kis nay giraya hai.
Chahay rehman ka nam latka lay chahay shatan ka
        Accident to ho hi jata hai bhaya insan ka.
Amal kernay ki taraf atay nahi perhanay ki taraf jatay hain
Sain baglol mithu ki tarah bus mun say ratay lagatay hain.
Sain baglol mandir maseet vich labhday phiran bey charay
      Bhula keh gaya rab andar vasda vich quran isharay.
Log ishq me badnam hotay hain musalmano nay ishq ko badnam kar diya
               Sain baglol jahalat aur bay adbi ko Aam kar diya. 
Sain baglol daikh zara mashoor zakireen
  Lagta hai jaisay hon khairul makireen.
Sain baglol safai nisf iman hai ye bat bhol gaya musalman
Gali mahalay me gandagi k dhair kya safai karay ga shatan.
Sain baglol kahin gandagi k dhair to kahin ganday nalay
      Safai nisf iman hai par hamaray kartot hain kalay.
Gustakh bagi ghoray ko sudharna behtar hai ya jan say marna behtar hai
 Sain baglol ya phir khula chor kar mazeed bigarna behtar hai.
Numbron k pechay dorao gay to yehi haal hoga
 Ata jata chahay kuch na ho bus mun lal hoga. 
Sain molvi hi to asal me gustakh hai
Jis par shatan bethay ye wo shak hai.
    Khud gustak hain aur dosron ko adab ka dars daytay hain
Sain baglol ye Muhammad ka nam cheek cheek kar laytay hain.
Sain baglol adab kya hota hai kya ye ab musalman batain gay
 Jinho nay adab ki dhajyan ura dein kya ye deen sikhain gay.
Bay adbi ko adab ka nam day kar nabi ka nam laynay chalay
Ye wo jahil ashiq hain jo ikathay na ho sakay aik jhanday talay.
      Jahalat ko ilm aur ilm ko jahalat kehtay hain
Sain musalman heyra pheyri ko vakalat kehtay hain.
Log ishq me badnam hotay hain musalmano nay ishq ko hi badnam kar diya
Sain baglol musalmano nay jahalat aur bay adbi ko hi islam kar diya.
Jis tareeq say ye laytay hain nabi ka nam
Sain ye lagta nahi kahin say ashiq ka kam.
Kab tak apni munafiqat ko ishq ka nam dain gay
      Ye ab Islam say aur kitna badla lain gay.
Maaf kerna musalman par mujhay nazar nahi ati tayray ishq me jan
  Me tujhay tab manu ga jab tun pass karay ga adab ka imtihan.
Sain jahil ashiq kertay hain dosron ka naqsan
     Jab k Islam kehta hai bano acha insan.
   Molvi aur faqeer ki larai koi nai nahi hai
Dahi dodh say banta hai par dodh nahi hai.
Namaz tay oh ve perhday san jayray hussain naal larday san
      Par oh nakam hoaAy kyun k khuda kolon na darday san.
Tasbi rozay haj namazan
Sab rasman sab awazan.
Sugar ka to suna tha par maloom na tha musalman k khon me gadari bhi hai
Chalo yahan tak bhi khair thi par maloom na tha musalmano me aik zardari bhi hai.
Jinay ustad daman nu chak k satya jail vich oh ap gaya jail vich mar
Sain baglol keh day ay badsha vaqt badaldayan dair nai lagdi khuda kolon dar.
Sain baglol betharay aAy badsha mit gaya nam-o-nishan
                  Do din de jindri tay do din de jan.
Sain baglol loot gai maar gai us ki judai
Kar k daikh le har shaks nay zoor azmai.
Paida kar phir say apni safon me etihad
 Yehi hai tujh say bhalu shah ki faryad.
           Umat ko zarorat hai phir say tipu sultan ki
Bhalu baglol Imam-ad-din bin qasim jaisay dalair javan ke.
Kahan hai mahmud ghaznavi kahan hai salah-ud-ayubi
             Kya kisi me nahi rahi ab wo wali khobi.
Kahan hai sultan shamsudin tamash kahan hai aurengzaib alamgeer
        Kya koi marde momin na raha jis ki nigah me ho taseer.


  
Khudi k shehar me hai khaloos aur etimad
     Kya soch raha hai chor ilmul adaad.
Sain daikh zara musalman ki guftar
Kalima parh kar bhi kufar me giraftar.
Meri to samajh me nahi ata musalman ka iman salamat kaisay rehta hai
Sain baglol ye zaban say kuch kehta hai amaal say kuch kehta hai.
    Kya janay bhatka huva hakeem
Kisay kehtay hain siratey mustaqeem.
insano ki vadi me gadhay aur ghoray
 Rx daikh zara molvi lambay choray.
   Molvi ka jo hashar hoga
Sab k samnay nashar hoga.
Me chup nahi reh sakta mujhay kuch kehnay day
Tun bay shak khizr ban mujhay musa rehnay day.
Wo azeem paigambar wo azeem sultan
   Jisay quran nay kaha hai suleyman.
 "A little knowledge of science makes man an atheist,but an in-depth study of science makes him a believer in God.'' Francis Bacon.
 Kafir ko chor khud ko musalman kar
Sab say pehlay tun khud ko insan kar.
Ishqe mustafa quaid ko Quaidi Azam banata hai
     Jhota ishq banday ko asman say girata hai.
Har waqt teli laganay ko rehta hai tayar
 Sain baglol koi aur nahi ye molvi ayar. 
         Khuda nu asman tay labh pyaray
Bhula kehnda vich vasda vich quran isharay.
Alim ba amal Auliya hi Anbiya k waris hain.RXX.
Mahabat ka taqaza to ye tha k Hussain kay sath kertay wafadari
Kal bhi sath na diya aj bhi galat logon ko vote day kar kartay hain gadari. 
Molviyon ka kya hai keh dain gay baglol angraiz ki paidavar hai
              Ye kam ke cheez nahi zang alood talwar hai.
Baglol yad rakh molvi ka bhi din ata hai
 Ye maaf nahi kerta kacha chabata hai.
Sain vilayat ka darvaza Hazrat Ali hai
   Jo Ali tak pohancha wohi wali hai. 
Pehlay sanbhalay nahi jatay aur paida kernay chalay
            Parr jata hai ye sab kuch apnay galay.
      Baglol mat bhol molvi ka bhi aik din aAy ga
Ye tujh say badla lay ga tujhay kacha chabaAy ga.
  Sain molvi hi hai mazhab ka thekeydar
Logon ko bharkanay aur uksanay ko tayar.
Parhya waris shah nay quran sara
Par hoya heer vich rab da nazara.
Siyasat lay doobi baron aur bachon ko
Sain siyasat lay doobi achay achon ko.
Toheed to ye hai k banda toheed me garaq ho
  Toheed to ye hai k banda vahdat ka araq ho.
       Kahan ali aur kahan ye vip peer
Kahan faqar aur kahan ye tayray faqeer. 
Sain khudi ka charag bhujaya nahi jata
     Ye khud jalta hai jalaya nahi jata.
Umar bin abdul aziz jaisay na rahay
    Baglol kis say dil ke bat kahay.
Cheek cheek kar taqreerain karnay vala huzoor ka ghulam nahi
                 Sain baglol ye kufar to ho sakta hai Islam nahi. 
   
 
 
     
       
  


     
    
     
  
   


Gairon say kya badla laytay apno nay kisi qabil na chora
   Aik dam say na mara zehar daytay rahay thora thora.
   Apno par bharosa kiya apno nay hi zehar diya
Kitnay nadan thay ham zindagi samajh kar pe liya.
   Pyar kis bala ka nam hai hamain kya maloom
Sain baglol zamana zalim hai ham hain mazloom.
        Kon sa Islam phail raha hai mujhay bhi to dikhao
Dunya me kahan aman-o-salamti hai mujhay bhi to dikhao. 
Khud murgay khatay hain dosron ko kehtay hain daal par mazmon likhtay raho
Ye kaisay zalim hukamaran hain kehtay hain khudi na baicho par biktay raho.
First Blood
Zameen par sab say pehla khon musalman nay hi kiya musalman ka
   Sain baglol muft me hi nam bad nam kar rakha hai shatan ka.
Nobat yahan tak A pohanchi kalima parh kar apni bat ka yaqeen dilatay hain
itnay gir gaAy hain koi yaqeen hi nahi kerta so so qasmain khatay hain.
Gustak hain kehtay hain nabi par kora phainkha jata tha
Tumharay pas kya sabot hai kya tumhara bap uthata tha.
Jo bhi bat kertay hain nabi k shayane shan nahi hoti
          Aisi ghatya bat kertay hain k aqal bhi roti.
itnay bay adab huvay k apna nam nabi aur rasool rakhnay lagay
Sain baglol ye khud ko ashiq keh kar kufria kalimat baknay lagay.
        Pata nahi kithon taleem hasil kiti ay ena lokan nay
Sain baglol gareeb awam da khon chosan valyan jokan nay.   
Kabhi apnay anghotay chomtay hain kabhi peeron k paon
         Sain ye shehar ko hi kehtay phirtay hain gaon.
Khuda nay akhri kitab bhaiji aur bhaija akhri nabi
  Par ye log na sudhray kehtay rahay phir kabhi.
Dunya ka dosra nam dhoka hai
Ye tayray paas akhri moqa hai.
ishq imam ishq rehbar
Hazrat ali fateh khaiber.
Dil jalon ki dunya me jo atay hain yahan k hi ho jatay hain
Phir na to ye sotay hain na jagtay hain na hi ro patay hain.
Darde dil vala hi darde dil samajhta hai tujh say kya dil ki bat kahun
Aray tujh jaisay to mazaq hi uratay hain behtar yehi hai k me chup rahun.
    Ashiq to mar gay ishq k hathon baqi reh gai dastaan
Abhi bhi tuhay yaqeen nahi ata tun hai sain baglol nadan.
Har ashiq apnay ishq ko kehta hai kamaal
ishq wo hai jis ki log daytay phirain misaal.
ishq valon ko hosh kahan rehta hai baqi
  Yahan kya karay ga meh pila kar saqi.
Pyar karan valay tay bahanay labhday nay tun ve koi labh bahana
         Lag pata tenu javay tun ve ho k vaikh kisay da devana.
         Ye ishq dil-o-jan ka soda hai
Khoney jigar par berhanay vala poda hai.
ishq nay hi waris kolon heer likhvai ishq nay hi qais nu majnu banaya
Sain baglol ishq oh zalim sheh vay jinay bhulay shah verga banda nachaya.
Davayon say hi sub kuch hota to phir insan na rota.Dr Rxx.
    Mazhab ka kya jata hai jang me hai naqsan
Chahay kafir ho ya musalman marta to hai insan.
Aisay hi nahi phailay mazhab khon baha hai aur bahaya gaya hai
 Najanay kitno ko mazhab k nam par khon me nehlaya gaya hai.
Jis ki gardan par talvar chalti hai jan us ki jati hai mazhab ka kya jata hai
Sain baglol herat hai talvar chalanay vala bhi zinda nahi rehta akhir wo bhi mar jata hai.
Jin ki gardan par talvar chali wo to maray talvar chalanay valay bhi na rahay
Jo samajhtay thay khud ko soorma qabar ki zenat banay bachanay valay bhi na rahay.
Miti sona nahi par sona ugalti hai.RXX.
    Mazhab k nam par khon baha hai ye bat maan'ni paray ge
Sain baglol kya hamain apni tareekh phir dobara say jaan'ni paray ge.
Ye gunehgar logon ko nabi bana kar filmon me dikhatay hain
         Bay adbi ki intaha hai zara bhi khof na khatay hain.
Musalman ko musalman kernay k liye koi kalima hai to batao
 Baglol keh day dair na karo jaldi say musalman ko perhao.
Khud ko bhol jatay ho dosron ko gustak keh kar naray lagatay ho
 Sain baglol keh day chullu bhar pani me kyun na doob jatay ho.
Dhovan aur miti hai apnay vatan ki pehchan
   Rx to kehta hai hara bhara hai Pakistan.
Haqeqat ko vaham samajhna vahmi logon ka kam hai.RXX.
Hazrat ali k havalay to bohat daytay hain par pervi nahi kertay
Kya koi bata sakta hai ye musalman khuda say kyun nahi dertay.
Sain baglol tabeeb paisay lay kar bhi kam sahi nahi kertay
    Ye kyun marz k hisab say mareez k sath nahi chaltay.
  Kitab me dikhao kahan likha hai kehta hai tabeeb
Aray tun samjhata kyun nahi aisay logon ko haseeb.
       Har cheez kitab k hisab say hoti hai ye kon kehta hai
Sain baglol keh day ye dunya hai yahan banda dard sehta hai.
Na jhot safaid hai na kala
Na ye behan hai na sala.
  Sain baglol sach ka koi zaiqa nahi hota na metha na kerva
Tayray apnay mun ka zaiqa kharab hai doctor rx say ilaj kerva.
Sain nam say baray aur dil chota
Ay sahib tujh say behtar hai lota.
   Parh ley jinay marzi kalmay parh ley jinyan marzi namazan
Sain nigahe karam day bagair ud na sakain ga naal shabazan.
idhar udhar ki suntay hain aur sunatay hain
Ye kertay kuch hain aur kuch dikhatay hain. 
Shaikh wo nahi jo karamat dikhaAy,shaikh wo hai jo talibe haq ko sahibe karamat banaAy.RXX. 
Sadqa apni jan bacahanay k liye bakray ki gardan par churi chalatay hain
  Bakra to marta hi hai akhir me khud bhi na bach patay hain.
Shadi kar k banda sudharta hai musalman aur bigar jata hai
          Rx jo thora bohat chaka hai wo bhi utar jata hai.
Sakhi dikhta nahi sakavat ka zikr baqi hai
   Meh khana khali hai na raha saqi hai.
Matlab ki na rahay to log darh nikalva daytay hain tang katvay daytay hain
Ye kaisa tazad hai akhir me khud ko bay loos mashoor kerva daytay hain.
  Sain baglol log yahan talibe haq nahi bakshish k talabgar hain
Dosron ko kehtay hain mafi mango khud gunahon k liye tayar hain.
Jo banda khud darde dil ki dava ho
Wo kya sunay nohey kya hava ho.
Safe matam to me bichaon par tayri zaban bohat chalti hai
       Saf par bhi tun zaban hi chalaAy ga me darti hai.
      Har bat me ye kertay hain dosron ki naqal
Sain baglol kya baqi na rahi musalmano me aqal.
idhar udhar ki suntay hain aur sunatay hain
   Apni taraf say hi ye fazail banatay hain.
Banda oh vay jayra kar k dikhaAy batan na banaAy.RXX. 
Sain baglol musalman ko daikh kar kiya kar astagfaar
              Waisay bhi to tun rehta hi hai bemaar. 
Bus ab mazeed sun'na nahi chahta kya kehtay hain musalman
           Sain baglol na to ye rehman aur na ye quran.
    Musalmano ki batain sun kar hota hai sir dird
Aray kai baar keh chuka hun dikhao qalandar mard.
Safe matam bichao musalmano ko shahadate Hussain ka gam hai
                 Sain kya ye bat bhi kisi matam say kam hai.
Sain musalman nai murda kehnda ay mayra tayra
       Soraj tay oh vay jayra door karay adhayra.
Zara sa sir kya jhukaya log sir par charhanay lagay
 Zara sa sir kya uthaya log ham say dernay lagay.
Kernay valay bohat kuch kertay hain bahanay bananay valay bahanay bana kar lartay hain
Sain baglol pakay sachay musalman to wo hain jo apnay khuda say dartay hain.
  Bay aulad hai to kya bacha good nahi lay sakta
Kya tun kisi yateem ko apni shafqat nahi day sakta.
Paida kernay say pehlay sochtay nahi paida kar k baichtay aur dafnatay hain
Sain baglol ye to bachay na paida karnay valon say bhi zaida nuqsan uthatay hain.
     Doray kerna aur ceez hai doray parna aur cheez hai
Kitab parhna aur cheez hai maidan me larna aur cheez hai.
Rx ka kya hai kisi bhi larki ko apnay bachon ki janat bana lay ga
Sain baglol aik do darjan say zaida kitabain to yunhi sir par utha lay ga.
Pathar uthana karamat nahi nadamat hai
   Baal katna karamat nahi hajamat hai.
Sain baglol jinu ghar bethyan haj hovay
        Oh fare kabay ja k kyun rovay.
Ay musalman waqife adaab nahi tun
Uray jo bulandi par wo uqab nahi tun.
    Baja ha mera shikva tun bolta nahi hai
Matlab nikal jaAY to darvaza kholta nahi hai.
Sain baglol jangal k shair ki dehshat shehar tak phail jaAy ge
        Kabhi socha na tha dhonay k bad bhi mail na jaAy ge.
Kyun daikhay rx larkiyon ko hain kya ye cheez
Waisay bhi ye aj kal pehanti hain patli qameez.
Boli zulaikha yusuf say mujay na kehnay ka jantay ho anjam
Me kitni asar-o-rasookh vali hun kerva sakti hun kam tamam
    Bolay yusuf janta hun par me nahi kar sakta ye kaam
           Ap bhi ye bat jaan lain me hun waqt ka Imam
           Jo takleef k bad milay ga wo bara ho ga Inam.
Shaitan ko rajat huvi aur martabay say ja gira
 Rajat k bad bay charay ka dimagh ja phira.
Kaha jata hai shaitan bhi pehlay salik tha
        Haq aur sach ka aik talib tha.
Sabaq dayti hai shaitan ki ibadat
Shaikh k bagair rajat hai riyazat.
Sain baglol zar vastay parhday nay kitaban
       Ay log ke udan gay naal uqaban.
  Karamat ki jaga science layti ja rahi hai 
Science hi hai jo karamatain dikha rahi hai.
 
Visit www.Tasawur21.blogspot.com